Liberalizimi dhe papunësia

(2LONLINE) – Bashkimi Evropian kishte qëndrim të ashpër drejtuar qeverisë e cila si duket është e përgjumur sa i përket liberalizimit të vizave. Kjo qeveri nuk e ka guximin e duhur për ndryshimin e gjendjes status- quos që mbretëron në Kosovë. Premtimet boshe të qeveritarëve se së shpejti do të kemi liberalizim të vizave u zbehen këto ditë kur BE nuk dha dritën e gjelbër për negociata sa i përket liberalizimit të vizave. Sigurisht ky qëndrim i BE tregon performacën e dobët të qeverisjes në raport me zbutjen e papunësisë.

Me këtë shkallë të lartë të papunësisë Kosovës i mbyllen dyer kah BE-ja. Shumë e logjikshme se nuk i vyen BE-së njerëz me asistencë sociale në gjirin e vet. Andaj nuk pritet që e disa vite të ndodh kjo, ndërsa Serbia së shpejti do të bëhet anëtare e saj.

Nëse synohet BE atëherë qeveria duhet që urgjent të hartoj politika që zbusin papunësinë, zvogëlojnë varfërinë, rrisin mirëqenien. Si duket Kosova ka hyrë në rreth vicioz dhe është treguar e paaftë në luftimin e korrupsionit, familjarizimit, shpëlarjes së parave, fajdeve etj.

Hapat e ngadaltë nga kjo shoqëri e sotshme vështirë që do të prodhojnë progres prandaj vonimi në këtë proces ka pasoja edhe më të rënda se liberalizimi i vizave. Papunësia e madhe jep shenja se kosovarët kanë hyrë në kolaps që ndoshta një fuqi mbinatyrore do të mund ti nxjerr nga ky rreth pa rrugëdalje. Shpëtimi në këtë problem është krijimi i mekanizmave ligjorë që japin prioritet zhvillimit të bujqësisë, blegtorisë, turizmit si dhe toka bujqësore të futet në ligje në mënyrë që ajo të punohet. /2lonline/

/Artan Jakupi/