Libër që do të ndryshket në pluhurin e harresës historike

/Lidhur me përpjekjen për promovim të një libri antikombëtarë/

(2L ONLINE) – Uroj Perëndinë që ky libër të ndryshket në pluhurin e harresës historike. Kështu e nisa fjalimin tim në debatin për provimin e promovimit të librit “Foshnjëria e Kombit Kosovar”, autor i të cilit ishte Nexhmedin Spahiu, ndërsa kumbara-tutori i tij për provim promovimi ishte Halil Matoshi.

Dhe do të pluhuroset gjithsesi, jam i sigurt. Do të pluhuroset duke patur fatin e përpjekjeve të utopistëve socialist si Sen Simoni, Robert Oveni e Sharl Furie.

Do të futeni në histori ju zotëri “të uruar”, por, të turpëruar do të futeni, gjithësesi për të keq do të futeni. Popujt e ndarë përpiqen të bëhen bashk ndërsa ju përpiqeni të ndani popullin tuaj edhe ashtu të ndarë në pikëepesë?! Kot e keni, do të harroheni si edhe evrokomunistët e dikurshëm, Benito Kraksi e Santiago Karilo.

Nipërit tuaj do të ndjehen të turpëruar për veprimet e pamenduara mirë të gjyshërve të tyre si edhe nipërit e disa figurave tona antihistorike.

A u shkoj mendja fare “o të uruar” te historia e shtetit të kombit Gjerman? Ishin të ndarë (në më shumë shtete), nga fuqitë e mëdha u ndanë në dy shtete: 1. Gjermania Perëndimore.. 60. milion banorë dhe 2. Gjermania Lindore..20 milion banorë. U ankuan vazhdimisht para fuqive për padrejtësinë që u ishte bërë dhe punuan vazhdimisht për bashkimin e tyre sepse, kishin mbetur pak banorë në njërin shtet (60 milion), edhe më pak në shtetin tjetër (20milion). Donin të bëhen bashkë dhe u bënë bashkë, rreth 80 milion. Ndërsa, Tetë milion shqiptarë të mundshëm për bashkim ju përpiqeni të na ndani ?!

A jeni more në vete?

Madje, edhe austriakët tri herë u përpoqën të bashkohen me Gjermaninë, por u penguan nga kërkesat franceze dhe britanike drejtuar Nju Jorkut, duke shprehur pasigurinë e tyre në rast të bashkimit gjithëGjerman.

Heeeej, ju, në vend se të përpiqeni pozitivisht për synimet e gjyshërve tanë ju përpiqeni të na ndani edhe në më shumë grimca se që jemi të ndarë sot?! bashkim

E mbani mend nismën-përpjekjen dështuese për formimin e kombit JUGOSLLAV ?,(ku ishte pjesë grupimi edhe ish çuni i Titos, Veton Suroja i ditëve të sotme) përpjekje kjo, për shkombëtarizim të shqiptarëve para se gjithash e pastaj edhe të ndonjë etnie tjetër ku do të mund të gjente ndonjë Veton Suroj apo Ali Shukri të asaj etnie. Dështoi kjo përpjekje. Dështoi sepse ishte e jashtnatyrshme. Do të dështoi edhe përpjekja juaj, sepse është e jashtë natyrshme. Përpjekje antishqiptare, nga vet shqiptarët.

Dyshoj Unë (është e drejtë e imja të dyshoj), se ky Libër do të jetë përgatitur në “Francuska 7”, në Akademinë e Shkencave dhe Arteve të Serbisë.

“O ZOT, ruaje Shqipërinë prej shqiptarëve se prej të huajve ruhemi vet” shkroi Faik Konica dikur.
Me këtë thënie të Konicës edhe e përfundova fjalën time.

/Gani NEZIRI/