LHK i propozojnë presidentes personalitete për dekorata

/2L ONLINE/ – Lidhja e Historianëve të Kosovës (LHK) “Ali Hadri” Dega në Gjilan, në mbledhjen e kryesisë, më 21. 12. 2015, unanimisht vendosi që të propozojnë personalitete të ndryshme nga komuna e Gjilanit dhe më gjerë për dhënien e dekoratave nga Presidentja e Republikës së Kosovës znj. Atifete Jahjaga.

LHK – dega në Gjilan fillimisht propozoi për dekoratë Xhavit Ahmetin dhe Halit Hasanin kurse në bashkëpunim me Komunën e Gjilanit, respektivisht me kryetarin z. Lutfi Haziri për tu dekoruar u propozuan edhe personalitete si: Hamdi Beha, Lotë Vaku, Sylë Zarbica, Mulla Hasan Bajrami (Masurica), Rexhep Elmazi, Jusuf Baftjari – Hoxhë Lipovica.

Këto propozime me një biografi të shkurtër për secilin personalitet u janë dërguar Sekretarisë së Presidencës së Republikës së Kosovës respektivisht Komisionit vlerësues për Dekorata. Dekoratat jepen nga Presidentja e Republikës së Kosovës znj. Atifete Jahjaga, për nderë të 17 Shkurtit, ditës së shpalljes së Pavarësisë së Republikës së Kosovës respektivisht në tetë vjetorin e pavarësisë së saj. /2L ONLINE/