Lëvizja “Vatra” dhe “Shqiponjat e Medvegjës” dakordohen për bashkëpunim

/2L ONLINE/ – Kryetarja e “Lëvizjes Qytetare Vatra” Gentiana Shabani me bashkëpunëtorë, priti në takim drejtorin e Shoqërisë “Shqiponjat e Medvegjës” Selman Rexhepin, e cila Shoqeri vepron në Prishtinë, me të cilin diskutuan për problemet që po ballafaqohen qytetarët e dëbuar nga Kosova Lindore që jetojnë në Republikën e Kosovës si dhe ata që jetojnë në Kosovën Lindore.

Temë me rëndësi të veçantë diskutimi ishte edhe zgjedhjet e parakohshme lokale në Komunën e Medvegjës që do të mbahen më 15.09.2015, ku u apelua për dalje sa më masovike të shqiptarëve në këto zgjedhje, me qëllim sigurimin e përfaqësimit sa më të madh të shqiptarëve në këtë Komunë.

Në fund të takimit kryetarja e LQV-së, Gentiana Shabani dhe drejtori i shoqërisë “Shqiponjat e Medvegjës” Selman Rexhepi lidhën marrëveshje bashkëpunimi në mes të dy organizmave, pasiqë të dyja ndajnë të njëjtin preokupim- kauzën e Kosovës Lindore. /2L ONLINE/