Lekaj: Për çështje të rëndësishme të shtetit Qeveria nuk ka të drejtë të vendosë

Deputeti i AAK-së, Pal Lekaj, e ka ftuar Qeverinë të reflektojë karshi kërkesave të opozitës. Ai ka thënë për ‘Epokën e re’ se për çështje të rëndësishme të shtetit Qeveria nuk ka të drejtë të vendosë.

Sipas tij, për Asociacionin dhe Demarkacionin duhet ta thonë mendimin e tyre qytetarët nëpërmjet referendumit ose zgjedhjeve të parakohshme parlamentare.

Lekaj e konsideron kushtëzim kërkesat e opozitës karshi pushtetit. Ai ka folur edhe për paraqitjen e tij të hënën në polici.

Lekaj ka treguar se ishte ftuar nga policia për veprimet e tij në Kuvendin e Kosovës, por pastaj është liruar me procedurë të rregullt.