Liverpooli ka plot 29 vjet që nuk e ka fituar titullin e Premierligës dhe tifozët e klubit kishin besuar se këtë ecuri të keqe do ta përfundonin këtë sezon. Mirëpo, ata tani e kanë humbur kontrollin dhe duhet të shpresojnë se Manchester City do t’i humbasë disa pikë në ndeshjet e ardhshme.
Liverpooli i ka barazuar katër nga gjashtë ndeshjet e fundit të zhvilluara. Për shkak të të gjitha këtyre pikëve të humbura, skuadra e Kloppit e ka humbur pozitën e parë në tabelën e Premierligës dhe tani janë një pikë prapa skuadrës së Manchester City.
Megjithatë, ish-futbollisti legjendar brazilian, Pele, ende beson se skuadra e Jurgen Kloppit do të shpallet kampione e Premierligës, në fund të sezonit. “Urime ditëlindja për heroin e Liverpoolit, Kenny Dalglish. Unë besoja se Liverpooli do ta fitojë titullin e Premierligës, që nga fillimi dhe ende besoj se mund ta arrijnë këtë gjë”, ka shkruar Pele, në llogarinë e tij në Twitter.
