LDK, unike për marrëveshjen e Bllokut

Deputetët e LDK-së duket se janë unik sa i përket marrëveshjes së Bllokut, edhe pse nga zyrtarët e saj ditëve të fundit në media kanë dal propozime që të ndryshohet kjo marrëveshje, duke propozuar Isa Mustafën për kryeministër në vend të kreut të AAK-së Ramush Hardinaj.

LDK-ja përmes një komunikate për media ka njoftuar sot grupi i deputetëve të LDK-së ka mbajtur një takimin, në të cilin është bisedua lidhur me përgatitjet për vijimin e seancës konstituive të Kuvendit të Kosovës.

“Grupi i deputetëve konfirmoi gatishmërinë për të vijuar punën përgatitore për seancën, si dhe qëndrimin unik për të vijuar projektin e shumicës parlamentare, me qëllim që institucionet e reja të krijohen sa më parë”, thuhet në komunikatë.

Po ashtu thuhet se grupi i deputetëve të LDK-së shpreh vendosmërinë për të implementuar vullnetin politik dhe përfaqësues të shumicës parlamentare në Kuvendin e Kosovës, e cila është përfaqëson shumicën e qytetarëve të Kosovës.