LDK: Lutfi Haziri vazhdon të marrë përkrahje përtej LDK-së nga banorët e një lagjeje

Kryetari i Gjilanit, Lutfi Haziri, po vazhdon të marrë përkrahje edhe përtej LDK-së, për zgjedhjet e 14 nëntorit, thuhet në komunikatën e LDK-së së Gjilanit.

Në emër të banorëve ka folur koordinatori i kësaj lagjeje, Ragmi Zenuni, i cili konfirmoi mbështetjen e fuqishme për kryetarin Haziri, për realizimin e programeve zhvillimore për Gjilanin.

Kurse, kryetari Haziri ka thënë se kjo mbështetje përtej partiake i bën nder.

“Mbështetja përtej LDK-së që po e marrë çdo ditë, sikur sonte këtu, më bën nder dhe më të përgjegjshëm në punë, për realizimin e programeve zhvillimore për Gjilanin. Faleminderit shumë. Besimin tuaj, do ta ruaj si shumë të rëndësishëm, i cili më obligon që të punojë edhe më shumë!”, ka thënë kryetari Haziri.

Ndërkohë, kryetari Haziri gjatë ditës ka vizituar edhe kompaninë “Durrësi” Sh. P. K., ku është pritur nga pronari, Mexhit Osmani. /2LONLINE.com/