LDK-ja e Gjilanit zyrtarizon kandidaturën për kryetar komune, Arbër Ismajli do të synojë postin e të parit të Gjilanit

Lidhja Demokratike e Kosovës (LDK), Dega në Gjilan, ka zyrtarizuar sot kandidatin me të cilin do të garojë në zgjedhjet lokale që parashihen të mbahen në tetor të këtij viti, e ai është Arbër Ismajli, nënkryetar  i LDK-së së Gjilanit, i cili ka marr besimin e subjektit të tij për të qenë kandidaturë për kreun e Komunës së Gjilanit.

Në një konferencë për media, zyrtarizimin e tij, e ka bërë vet, i pari i LDK-së së Gjilanit, Lutfi Haziri, transmeton Portali 2LONLINE.com.

Përndryshe, Arbër Ismajli ka qenë nënkryetar i Komunës së Gjilanit, në mandatin e kaluar kur Gjilani udhëhiqej nga LDK-ja dhe ka një kohë të gjatë që është përfolur se ai do të sfidojë kandidaturat tjera për të parin e Gjilanit, e sot edhe zyrtarisht ai mori bekimin e subjektit të tij, për t’i hyrë kësaj gare, në kohën kur zgjedhjet do të shpallen, e që sipas kalendarit, pritet të jetë tetori i këtij viti.  /2LONLINE/