LDK-ja e Gjilanit bënë publike listën finale të kandidaturave për deputetë

Lidhja Demokratike e Kosovës (LDK), Dega në Gjilan, ka bërë me dije se ka finalizuar listën e kandidatëve për deputet në Kuvendin e Kosovës, për zgjedhjet e 28 dhjetorit 2025.

“Pas konsultimeve me strukturat partiake dhe në pajtim me vullnetin e anëtarësisë, LDK në Gjilan paraqet me krenari kandidatët tanë: Të rikandiduar: Lutfi Haziri, Valentina Bunjaku-Rexhepi, Besim Guda. Kandidatura të reja: Arbër Ismajli, Rexhep Kadriu e Afërdita Balaj Ajdini.”,thuhet në njoftim.

Më tej, në njoftim, thuhet se LDK në Gjilan beson fuqishëm se këta kandidatë do të përfaqësojnë me dinjitet dhe përgjegjësi qytetarët e Anamoravës dhe vlerat themelore të Lidhjes Demokratike të Kosovës: demokracinë, zhvillimin, qytetarinë dhe integrimin euro-atlantik, me z.Lumir Abdixhikun kryeministër.

“Ftojmë të gjithë qytetarët që më 28 dhjetor të shfrytëzojnë të drejtën e tyre demokratike dhe të mbështesin vizionin tonë për një Kosovë më të zhvilluar, më të drejtë dhe më të fortë”, thuhet në njoftimin e LDK-së.  /2LONLINE/