Laura Fazliu kualifikohet në gjysmëfinale të evropianit

Xhudistja kosovare, Laura Fazliu është në rrugë të mbarë për t’ia siguruar Kosovës medaljen e dytë evropiane nga Kampionati Evropian i xhudos për juniorë, që po mbahet në Vantaa të Finlandës.

Xhudistja nga Kosova u kualifikua në gjysmëfinalen të kategorisë -63 kilogramë. Ajo shënoi tri fitore ndaj: Kira Katzenmajer (Hungari), Anastasiia Goncharova (Rusi) dhe në çerekfinale mundi gjermanen, Dena Pohl.

I urojmë fat dhe suksese në gjysmëfinalen ndaj Annabelle Winzig (Gjermani).