Latif Maliqi i përkushtuar ndaj komunitetit dhe të mirës publike

Latif Maliqi është njëri nga kandidatet për Asamblenë Komunale të Gjilanit nga radhët e LDK-së, në zgjedhjet e 12 tetorit.

Ai është i përkushtuar ndaj nevojave të komunitetit dhe të mirës publike dhe këtë e ka dëshmuar edhe sa ka qenë anëtar i Kuvendit Komunal duke qenë mjaftë aktiv.

Tani, ai kërkon besimin për të qenë për herë të dytë në Kuvend që të jetë përfaqësues i qytetarit, ngase siç thotë ai, “Unë jam dhe do të mbetem gjithmonë i juaji – aty ku jam unë, aty jeni edhe ju. Së bashku jemi forca e fitores dhe e së ardhmes më të mirë për qytetin”.

Ndër angazhimet e para që do t’i ketë si anëtar Kuvendi, me besimin e qytetarëve, edhe pas 12 tetorit, Latif Maliqi thotë se do të jenë angazhimet për rregullimin e Unazës së Malishevës e cila do të fillon nga çeshmja e Kuvcës në drejtim të rrugës së Vërbicës, për ndërtimin e trotuarin nga Gjilani në drejtim të Malishevës dhe që do lidhet me Malishevën e Epërme, si dhe do të angazhohet për realizimin e projektit për zgjerimin e rrugës së Caparit, si dhe projekte të tjera në interes të qytetarëve.

E, fjalë të mëdha për të, ka edhe Arbër Ismajli, kandidat i këtij subjekti politik për kryetar komune.

Ismajli ka thënë se Latif Maliqi, rrjedh nga një familje intelektualësh e patriotësh, që i kanë dhënë shumë bërjes së Republikës. Ai është një personalitet i respektuar, i cili gjithmonë ka qenë i angazhuar për të mirën publike dhe zhvillimin e komunitetit e qytetit të Gjilanit.

“Si kryetar i Këshillit të fshatit dhe aktivist i palodhur, Lata ka dhënë kontribut të veçantë për përmirësimin e jetës së bashkëqytetarëve të tij  

Me përvojën, përkushtimin dhe vizionin e tij, ai tashmë është gati të vazhdojë të jetë gardian i zërit përfaqësues të qytetarëve të Gjilanit në Asamblenë e ardhshme Komunale”, ka thënë Ismajli.