Lama: Nuk do ta votojë qeverinë me PDK-në brenda

Deputetja e zgjedhur e Lidhjes Demokratike të Kosovës, Alma Lama, në një prononcim për Telegrafin ka theksuar se ajo është kundër koalicionit të cilin e ka lidhur partia e saj me PDK-në.

Ajo ka thënë se nuk do ta votojë qeverinë e re, për shkak se sipas saj, nuk mund ta votojë një qeveri pjesë e së cilës është PDK-ja.

“Kjo parti e ka instaluar krimin, i ka kapur institucionet, e ka kapur edhe Gjykatën Kushtetuese. Unë edhe mbrëmë (në takimin e Këshillit Drejtues të LDK-së) e kam paraqitur qëndrimin tim, që ka qenë kundër koalicionit me PDK-në”, ka thënë Lama.