Lajme të mira vijnë nga xhudistët gjilanas

Klubi i Xhudos Gjilani ka bërë me dije për lajme të mira që na vijnë nga Turneu Ndërkombëtar në Bijelo Polje, ku garuesit e këtij ekipi po marrin pjesë dhe po arrijnë rezultate të mira.

“Ndërkohë, lajme të shkëlqyera na vijnë edhe nga Turneu Ndërkombëtar në Bijelo Polje. Katër xhudistet tona treguan një vullnet të jashtëzakonshëm dhe luftuan me zemër në çdo ndeshje, duke u ngjitur me meritë në podium.  Ky sukses i madh në një konkurrencë kaq të fortë tregon rritjen dhe potencialin e jashtëzakonshëm të vajzave tona në tatami”, thuhet në njoftimin e klubit.

Përndryshe, Klubi i Xhudos Gjilani bënë me dije për momentin edhe rezultatet e xhudistëve të këtij klubi në turneun “Kup Bijele Rade 2026”.

Në një konkurrencë të fortë me medalje të bronzta janë stolisur: Stina Fejzullahu, Ema Fejzullahu, Ylljeta Sylejmani, Belkiza Rexha si dhe Anel Maliqi.  /2LONLINE/