Lajçak: Sllovakia e mbështet liberalizimin e vizave për Kosovën

Ministri i Jashtëm sllovak Miroslav Lajçak, ka thënë se Sllovakia nuk sheh ndonjë problem që shtetasit e Turqisë, të udhëtojnë pa viza në Bashkimin Evropian, si dhe ajo e mbështet liberalizimin e vizave për Kosovën, Ukrainën dhe Gjeorgjinë.

Lajçak tha se Sllovakia në përgjithësi e vlerëson dhe mbështet liberalizimin e vizave për këto vende.

Pas rekomandimit nga ana e Komisionit Evropian për liberalizim të vizave për Kosovën, Gjeorgjinë, Ukrainën dhe Turqinë, vendimi final duhet dhënë nga secili shtet anëtarë i BE-së, veç e veç.

Sllovakia është njëri nga pesë shtetet anëtare të BE-së, që ende nuk e kanë njohur Kosovën, por pavarësisht kësaj ajo ka njohur pasaportat e shtetit të ri të Evropës, e edhe është pro liberalizimit.