Lagjja e spitalit në qytet bëhet me rrugë të asfaltuar

/2L ONLINE/ – Projekti asfaltimi i rrugëve lokale në qytet dhe fshatra po realizohet nëpër disa lagje të Komunës së Kamenicës, dhe është asfaltuar edhe rruga në lagjen e spitalit.

Kryetari i Komunës së Kamenicës.Begzad Sinani ka vizituar implementimin e këtij projekti dhe ka takuar banorët e kësaj lagje.

“Ju në takimin e fushatës më keni prezantuar këtë kërkesë për rregullimin e kësaj rruge dhe me besimin e dhënë ne sot po realizojmë këtë kërkesë do të vazhdojmë me projekte të tjera për lagjen tuaj”, ka thënë Sinani.

Ndërkaq banorët e kësaj lagje kanë falënderuar kryetarin për përmbushjen e premtimit të dhënë dhe realizimin e kërkesave të tyre. /2L ONLINE/