Laget Luta (foto)

(2L ONLINE) – Kryetari i komunës së Gjilanit Lutfi Haziri ka pranuar sfidën për tu lagur me ujë të akullt, një sfidë kjo që po bëhet për sensibilizimin dhe dhurimin e fondeve për të sëmurët e ALS. Haziri me këtë rast ka thënë se ka qenë i nominuar nga gazetari Kushtrim Sadiku, dhe po e pranon me kënaqësi sfidën për të kontribuar edhe ai në këtë mënyrë. Me këtë rast edhe ai i ka nominuar tre të tjerë për të bërë të njëjtën gjë.

Haziri tha se e sfidon Lulzim Bashën, Bardhyl Metën dhe Vjosa Osmanin.

Ndërkohë, bashkë me të, një sfidë të tillë e ka pranuar edhe Faton Bislimi ish kandidat për kryetar të komunës së Gjilanit. Ai tha se do mbetet në nivelin lokal sa i përket nominimeve dhe ka sfiduar Burim Korçën, Xhevat Latifin dhe Muhamet Azizin.

Ndryshe, ALS është një fushatë që bëhet për të mbledhur fonde për diagnostifikimin e hershëm të sklerozës anësore amiotrofike dhe sfida është një kovë me ujë të ftohtë dhe copa akulli në të. /2L ONLINE/