KV Dritat prezanton përforcimin e radhës, volejbollisten amerikane Jordyn Freeman

“Klubi i Volejbollit “Drita” – Femrat, vazhdon me intensitet të lartë ndërtimin e skuadrës, duke kompletuar ekipin edhe me përforcimin e radhës nga SHBA. Fjala është për lojtaren amerikane Jordyn Freeman, e cila i bashkohet familjes bardhë e kaltër si pjesë e një projekti serioz, ambicioz dhe fitues për sezonin e ri”, thuhet në njoftimin zyrtar të klubit bardhekaltër.

Në këtë njoftim thuhet tutje se presidenti i klubit, Idriz Berisha, po e dëshmon qartë vizionin e tij që në fillim të mandatit, duke sjellë përforcime cilësore, eksperiencë dhe mentalitet fitues, me një objektiv të vetëm: ta rikthejë Dritën aty ku e ka vendin.

“Me afrimin e amerikanes Jordyn Freeman, KV Drita tregon se nuk ndërton për pjesëmarrje, por për dominim, stabilitet dhe fitore në çdo ndeshje”, thuhet në fund të njoftimit. /2LONLINE/