KV Drita vazhdon me fitore

Duket se KV Drita (M) ka gjetur rrugën e mbarë që është e trasuar vetëm për fitore. Ajo ka shënuar fitoren e tretë në këtë fillim kampionat, në Raiffeisen Superligën A, të Kosovës në Volejboll.

Kësaj here Drita ka mundur ekipin e Ferizajt 3:0, duke regjistruar fitoren e tretë radhazi në tri xhiro të luajtura.

Raiffeisen Superliga A (Meshkujt) – Xhiro e tretë
Drita 3:0 Ferizaj
Setet: 25:21, 25:22, 27:25

“Sonte në Ferizaj, ndaj kampionit në fuqi KV Ferizaj, djemtë tanë treguan lojë të jashtëzakonshme duke fituar me rezultat të pastër 3:0 në sete. Deri më tani këtë sezon: 3 ndeshje, 3 fitore. Fillim perfekt i sezonit për KV Drita. Faleminderit gjithë bashkëpuntorëve tanë për përkrahjen e vazhdueshme, së bashku drejt sukseseve të reja”, thonë drejtuesit e klubit “bardhë e kaltër”, pas këtij suksesi. /2LONLINE/