KV Drita përforcohet me pasuesin amerikan Joshua Friedman
Transferimi më i ri të Klubi i Volejbollit Drita për sezonin e ri, është pasuesin amerikan Joshua Friedman.
Drejtuesit e KV Drita bënë me dije se Joshua vjen nga një rrugëtim i suksesshëm në volejbollin universitar amerikan, duke qenë pjesë e programeve prestigjioze si Menlo University, USC University dhe Hawaii University. Me një gjatësi prej 1.92m, ai sjell cilësi, energji dhe eksperiencë të vlefshme në repartin e pasuesve.
Në moshën 24-vjeçare, Friedman konsiderohet një lojtar me potencial të madh dhe me karakteristika moderne të lojës, duke u dalluar për organizimin e sulmit, shërbimin dhe disiplinën taktike në fushë.
“Jemi të bindur se Joshua do të jetë një vlerë e shtuar për ekipin tonë dhe do të ndihmojë KV Dritën në arritjen e objektivave për sezonin 2026/27”, thuhet në njoftimin zyrtar të klubit “bardh e kaltër”. /2LONLINE/