KV Drita përforcohet me amerikanin Brenden Hardt
“Klubi i volejbollit Drita (Meshkujt) ka kompletuar skuadrën për sezonin e ri me transferimin e volejbollistit amerikan, Brenden Hardt”, njoftojnë drejtuesit e klubit.
Hardt, i gjatë 208 cm, luan në pozitën e korrektorit dhe vjen nga Shtetet e Bashkuara të Amerikës për t’iu bashkuar ekipit të Dritës në garat e sezonit të ri.
“Me fuqinë në sulm, gjatësinë dhe eksperiencën e tij, Brenden pritet të jetë një përforcim i rëndësishëm për skuadrën dhe një vlerë e shtuar në objektivat tona”, thuhet tutje në njoftimin e klubit “bardh e kaltër’.
Me këtë transferim, Drita kompleton skuadrën për sezonin e ri!
“I urojmë Brenden Hardt mirëseardhje në familjen bardhekaltër dhe shumë suksese me fanellën e Dritës”, thuhet në fund të njofitmit zyrtar të KV drita. /2LONLINE/