KV Drita (M) – Nënkampion i Kosovës në volejboll 2024/25

KV Ferizaj ka fituar ndaj KV Drita, në finalen e katërt të serisë, duke siguruar kështu fitoren e tretë dhe mbylljen e serisë së play-off-it, duke u shpallur kampion i Kosovës në volejboll për meshkuj.

E skuadra e Dritës, të cilës iu nda medalja e argjend, është nënkampione e Kosovës dhe edhe kjo konsiderohet sukses i madh për djelmoshat “bardhekaltër”.

Drejtuesit e klubit gjilanas thanë se janë krenar me këta djelmosha dhe këtë super skuadër që me moshë mesatare prej 20.2 vjet arrijnë në majat e volejbollit kosovar.

“Me këta djelmosha ishim finalist të Kupës dhe Finalist i Play-offit duke arritur të jemi nënkampion i Superligës, pasi në Finale mposhtemi 3-1 me ndeshje kundër skuadrës së Ferizajt të cilëve ju urojmë për titullin Kampion”, thuhet në njoftimin zyrtar të KV Drita, transmeton 2LONLINE.com.

Sezonin e ardhshme KV Drita si nënkampion do të marrë pjesë për herë të parë në histori të klubit në garat evropiane.

“Ky është vetëm një fillim i mbarë për Dritën – tashmë jemi në rrugë të drejtë dhe Drita nuk do të ndalet asnjëherë! shihemi sezonen e ardhshme! akoma edhe shumë gjëra të bukura na presin përpara. Faleminderit nga zemra secilit lojtarë për super emocionet që na keni dhuruar këtë edicion, stafit të trajnerëve e kryesisë së klubit, secilit donatorë e njerëz të mirë që na kanë qëndruar afër, faleminderit Drejtorisë së Kulturës, Rinisë e Sportit e komunës së Gjilanit”, thuhet në njoftim.  /2LONLINE/