KV Drita (M) me fitore siguron finalen e “Play Off 2025”

Klubi i Volejbollit Drita (M), ka fituar edhe ndeshjet e dytë gjysmëfinale ndaj KV Skënderbeut, edhe atë me rikthim rezultati nga 0:2 në 3:2 në sete, duke siguruar kështu finalen e “Play Off 2025”, Raiffeisen Superliga A, në volejbollin e meshkujve, transmeton 2LONLINE.com.

Drita 3:2 Skënderbeu
Setet: 23:25, 20:25, 25:19, 25:18, 15:9

Në Palestrën e qytetit në Kamenicë, volejbollistët  e skuadrës bardh e kaltër nga Gjilani u ballafaquan me volejbollistët e Skënderbeut (Lipjan), në një ndeshje dramatike me plotë emocion duke e mundur me rezultat 3 me 2 në sete. ishin mysafirët që fituan dy setet e para, por gjilanasit u rikthyen dhe mbyllën ndeshjen me fitore që ua siguroi finalen e madhe, transmeton 2LONLINE.com..

Gjysmëfinalja tjetër luhet nesër ku KV Peja pret KV Ferizaj. Nëse skuadra e Ferizajt shënon fitore, do të jetë rivale e Dritës në finale, ndërsa nëse Peja fiton, do të kemi edhe ndeshjen e tretë.

Gjithsesi, ajo që u intereson adhuruesve gjilanas të volejbollit, KV Dritën e kemi finaliste. /2LONLINE/