KV Drita kalon në gjysmëfinale
Klubi i Volejbollit Drita (M) nga Gjilani ka fituar edhe ndeshjen e dytë të play-off-it, kundër skuadrës Golden Eagle Theranda, duke siguruar kështu gjysmëfinalen, në rrugën drejt trofeut të kampionit.
“Sot në Suharekë treguam karakter, forcë dhe shpirt gare duke mposhtur Golden Eagle Theranda me rezultat 3-1 në sete. Me një paraqitje të jashtëzakonshme, arritëm këtë fitore në çerekfinalen e dytë dhe siguruam kualifikimin në gjysmëfinalen e madhe të play-off-it”, thuhet në njoftimin e klubit “bardh e kaltër” nga Gjilani.
Sipas drejtuesve të klubit, kjo fitore është dëshmi e punës, përkushtimit dhe besimit që kanë si ekip.
Tani KV Drita fokusin maksimal e ka për sfidën e radhës, gjysmëfinalja i pret. /2LONLINE/