KV Drita humb ndeshjen e tretë, KV Ferizaj avancon 2:1, në serinë e finaleve

Finalja e tretë e Raiffeisen Superligës A (Meshkujt) në mes të KV Ferizaj – Drita, i ka takuar skuadrës vendase e cila me këtë fitore ka avancuar në serinë e finaleve, me 2:1.

Ferizaj 3:2 Drita – Setet: 26:24, 19:25, 26:24, 21:25, 15:13.

KV Ferizaj është vetëm një fitore larg titullit kampion, ndërsa Drita do të duhet të fitoj ndeshjen e radhës që të rikthehet në lojë për titull, për ta çuar serinë finale në ndeshjen e pestë vendimtare.

Ndeshja e radhës do të zhvillohet të dielën, më 4 maj 2025, nga ora 20:00, në Palestrën ne Sporteve në Kamenicë, aty ku Drita po i luan ndeshjet si vendës.

Kujtojmë se kampion i Raiffeisen Superligës A, në Volejboll do të shpallet skuadra që arrin tri fitore. /2LONLINE/