KV Drita forcohet në qendër, Mustafë Thaçi prurja më e re për sezonin 2026/27

KV Drita ka zyrtarizuar afrimin e ri për sezonin 2026/27, duke prezantuar volejbollistin Mustafë Thaçi si pjesë të skuadrës bardhekaltër.

Qendra e talentuar vjen nga KV Prishtina, ku në edicionin e fundit ka pasur paraqitje të mira, ndërsa tashmë pritet të jetë një përforcim i rëndësishëm për ekipin gjilanas në objektivat e sezonit të ardhshëm.

Menaxheri i klubit, Arbërim Kqiku, e ka vlerësuar afrimin e Thaçit si një lëvizje me rëndësi për skuadrën.

“Mustafa vjen te Drita pas paraqitjeve shumë të mira me klubin e tij të mëparshëm, duke sjellë energji, forcë dhe potencial të madh në repartin e qendrës. Me ambicie të mëdha dhe dëshirë për suksese të reja, ai do të jetë një vlerë e shtuar për skuadrën tonë në objektivat e sezonit të ardhshëm”, ka deklaruar Kqiku, transmeton Portali 2LONLINE.

Sipas tij, ambicia e klubit mbetet ndërtimi i një skuadre konkurruese për sezonin e ri.

Klubi bardhekaltër i ka uruar mirëseardhje volejbollistit të ri, duke shprehur besimin se ai do të kontribuojë në sukseset e ekipit gjatë sezonit të ardhshëm.   /2LONLINE/