Kuvendi Komunal mban sot seancën e radhës në hapësira të reja

/2L ONLINE/ – Kuvendi Komunal i Gjilanit mbanë sot seancën e rregullt, por në sallë të re. Pra, sot bëhet edhe inaugurimi i sallës së re të Kuvendit Komunal të Gjilanit (objekti i ish-gjykatës), pastaj mbahet seanca ku parashihet të trajtohen një mori çështjesh por do të veçonim pikën që ka të bëjë me rendin e punës ku përfshihen rekomandimet e Komitetit për Politikë dhe Financa që janë: Raporti i punës i Kryetarit të Komunës për periudhën janar-shtator 2015, Raporti financiar janar-shtator 2015, Propozim vendimi për këmbimin e një pjese të pronës komunale me pjesën e pronës private të ngastrave përkatëse, Raporti i Komisionit të aksionarëve për gjendjen në Ndërmarrjen Publike “Ecohigjiena” Gjilani, dhe të ndryshme

Po ashtu kemi edhe rekomandimin për plotësimin e rendit të punës ku i rekomandohet Kuvendit të Komunës së Gjilanit, që në seancën e radhës të shqyrtoj-miratoj: Statutin e Qendrës Kryesore të Mjekësisë Familjare “Dr.Nagip Rexhepi” Gjilan. /2L ONLINE/