Kuvendi Komunal i Vitisë mbajti mbledhjen e shtatë të rregullt

/2L ONLINE/ – Në mbledhjen e shtatë të rregullt të Kuvendit Komunal të Vitisë që është mbajtur sot janë paraqitur Pasqyrat financiare të buxhetit komunal për periudhën janar- qershor 2015 si dhe është dhënë një Informatë lidhur me raportin e auditorit të jashtëm.

Po ashtu gjatë kësaj seance janë shqyrtuar dhe votuar me shumicë votash këto pika:

Projekt Rregullore për komitetet konsultative për sigurimin e pjesëmarrjes së qytetarëve në vendimmarrje në Komunën e Vitisë.
Propozim Vendim për lirimin e Halil Bislim Musliu nga detyra e anëtarit të Komisionit Komunal të aksionarëve .
Propozim Vendim për dhënien në shfrytëzim afatgjatë pronën e paluajtshme të komunës së Vitisë Këshillit të Bashkësisë Islame në Viti për ndërtimin e xhamisë në fshatin Buzovik .
Propozim Vendim për transferimin e mjeteve buxhetore nga kategoria ekonomike subvencione dhe transfere në kategorinë ekonomike pasuri jo financiare në të njëjtin program .
Propozim Vendim për emërimin e shëtitorës “Mërgimatarët” në Viti. /2L ONLINE/