Kuvendi Komunal i Vitisë ka ndarë 4 mijë euro për të prekurit nga tërmeti, nga to 1 mijë euro për familjen Abazi

Kuvendi Komunal i Vitisë ka ndarë 4 mijë euro për të prekurit nga tërmeti në Shqipëri, nga to 1 mijë euro u ndanë për familjen Abazi nga Livoçi i Gjilanit.

Kuvendi Komunal i Vitisë, ka mbajtur sot një seancë të jashtëzakonshme dhe ka vendosur që 4000€ të iu ndahen si ndihmë financiare për të ndihmuar familjet të prekur nga dëmet që janë shkaktuar nga tërmeti në Shqipëri.

Pas diskutimeve nga këshilltarët e Kuvendit Komunal të Vitisë, u bë me dije se 3000 euro do t’iu dedikohen familjeve të prekura nga tërmeti në Shqipëri kurse 1000 euro do t’iu ndahen familjes Abazi nga Livoçi i Gjilanit pasi që vëllezërit Shemsedin dhe Isa Abazin, humbën jetën në tërmetin e 26 nëntorit të këtij viti në Shqipëri.

Përndryshe kjo seancë e jashtëzakonshme është thirrur me propozimin e Kryetarit të Komunës së Vitisë, Sokol Haliti dhe është përkrahur fuqishëm nga këshilltarët e Kuvendit Komunal të Vitisë dhe atë pa dallim partie.