Kush e themeloi “Flakën e Janarit”…?

Sabit Rrustemi

/2L ONLINE/ – Shumë prej miqve, më kanë pyetur edhe këto ditë: kush e themeloi “Flakën e Janarit”, në fakt, cilët janë themeluesit e këtij Manifestimi ? Këtë përgjigje e kam dhënë edhe në numrin e parë të revistës letrare – kulturore AGMIA, që doli në fillim të vitit 1994, pas përfundimit të Manifestimit, atë kohë, e po e përsëris edhe tash:

Të vetmit themelues të Manifestimit kulturor që tash është shtrirë në shkallë kombëtare, janë: Shoqata e Pavarur Kulturore e Gjilanit, e cila ka funksionuar nga viti 1991 e deri më përfundimin e luftës në Kosovë dhe, Forumi i Rinisë i LDK – Dega në Gjilan.

Vendi i themelimit të këtij Manifestimi ka qenë, Shkolla e Muzikës. Ndërsa projekti i Manifestimit është aprovuar në zyrën e avokatit gjilanas, Shefqet Xhelilit, që ishte atë kohë, sekretar i Shoqatës.

Prandaj, kot përmenden emra individësh e, edhe emri im. Të gjithë atë kohë që kanë qenë pjesë e këtyre dy subjekteve, njëra kulturore e tjera politike, janë bashkëthemelues dhe bashkorganizues të këtij Manifestimi deri në vitin 1999 -të…

Kontributi i individëve është dhënë përmes këtyre dy subjekteve.

I vetmi Njeri që ka qenë në aktin themelues të këtij Manifestimi dhe që nuk ishte anëtar kryesie i asnjërës nga këto dy subjekte themeluese, ka qenë shkrimtari ynë i shquar, BEQIR MUSLIU , të cilit ia kemi pasur për borxh dhe për nder tonin, t’ ia përkushtojmë “Flakën… ” e sivjeme, sepse mbushen rrafsh 20 vite nga shkuarja e tij në amshim. /2L ONLINE/