Kurti: Kjo qeverisje nuk do ta përfundoj mandatin e saj

Nëse Kosova vazhdon të qeverisë me përfaqësues të tillë atëherë populli do të përfundoj në përpjekje të emigracionit, kriminalitetit apo në punë për ekstremizëm fetar.

Kështu u shpreh Kryetari i lëvizjes Vetëvendosje, Albin Kurti, në mbledhjen e 18 –të, të Këshillit të Përgjithshëm të Lëvizjes Vetëvendosje, në të cilën pos tjerash tha se kjo qeverisje nuk do ta përfundoj mandatin e saj, pasi që sipas tij, varfëria ekstreme, do ta nxjerrë popullin në protesta.

Për sa i përket zhvillimeve të fundit politike në vendin tonë, Kurti tha se shefat e Isa Mustafës janë nga tri lloje të ndryshme të kriminelëve.
“Objektivi për ta është i qartë, të rehabilitohet Kadri Veseli, Aleksander Jabllanoviqi dhe Hashim Thaçi që janë tre shefat e vërtet të Isa Mustafës që do të duhet të ishte formalisht shef i tyre.

Këta tre shefa përfaqësojnë tre lloje të ndryshme të krimit. Krimin mafioz në shërbim të interesave të errëta të juaja që e ka bërë Kadri Veseli dhe organizata me të cilën PDK-ja e ka marrë pushtetin dhe e ka ndërtuar kapjen e shtetit pra SHIK-un. Krimi nacional shovinist i përfaqësuar nga Jabllanoviqi i cili selinë e vërtet e ka në Beograd prej nga u sajua lista serbe për një formacion çetnik. Dhe tre krijimin kombëtar përfaqësuar nga Hashim Thaçi i cili e transformoj UCK-në për ta shuar edhe TMK-në, i cili e zëvendësoj bashkimin kombëtar me pavarësinë e Ahtisarit që sot po negocion me Serbinë dhe i cili ekonomin kombëtare dhe mirëqenien shoqërore ja nënshtroj privatizimit të egër dhe padrejtësisë së gjykatave të korruptuara. Me të tillë shefa Isa Mustafa e fillon punën si kryeministër me dosjet e korrupsioneve të trashëguara nga Prishtina por mund të mbarojë këtë punë me dosjen disa fish më të lartë të dosjeve të dyfishuar”, tha Kurti.

E sa i përket koalicionit të arritur mes LDK-së dhe PDK-së, ai tha se një gjë e tillë ka ndodhur, nga frika e Mustafës se do të hyj në burg.

“Në nëntor marrëveshja opozitare u prish atë marrëveshje e prishen dy gjëra, në njërën anë lakmia egoistë për pozitën e kryeministrit që përfytyrohej si një fron mbretëror thuajse jemi monarki klasike e jo republikë parlamentare dhe në anën tjetër frika nga burgu pasi që ambasadorja amerikane përmendi dosjet e korrupsionit në prokurori sidomos ato të qeverisjes së Isa Mustafës në komunën e Prishtinës. E kur u prish pazari edhe LDK edhe AAK renden te Thaçi se mos merrnin Pazar më të mirë pa u brengosur që shteti vazhdonte të ishte i kapur prej të njëjtit. Nuk kemi qenë ne arsye pse u prish blloku opozitar, sepse neve nuk kanë pasur mundësi të na kërcënojnë as me dosje as të na joshin me posta në Pazar. Kësaj radhe u kuptuar nga të gjithë politikanë, ambasador, politikan dhe i tërë populli se Vetëvendosje nuk është as e korruptuar as nuk është në politikë për të bërë pazare për pushtet”, tha Kurti.

Ndërsa sa i përket punës së lëvizjes, Kurti tha se deri më tani ka qenë shumë e mirë por që duhet të dyfishohet, kështu duke punuar më shumë në afrimin me qytetarë në mënyrë që arrijnë të organizojnë zemërimin i cili është në rritje nga populli varfëror.

http://www.rtklive.com/index.php?id=2&r=14378