Kurti: Kallëzim Penal kundër zyrtarëve të Policisë së Kosovës

Sot, deputeti i Lëvizjes Vetëvendosje, Albin Kurti dorëzoi Kallëzimin Penal kundër zyrtarëve të Policisë së Kosovës, për të cilët, sipas tij, ekziston dyshimi i bazuar se me arrestimin e tij kanë kryer veprën penale Privimi i kundërligjshëm i lirisë nga Neni 196 par. 1 lidhur me par. 3, si dhe veprën penale të Keqpërdorimit të detyrës apo autoritetit zyrtar nga Neni 422 paragrafi 1 lidhur me nënparagrafin 2.2 dhe 2.5 të KPK-së; apo vepër tjetër penale e cila ndiqet zyrtarisht nga Prokurori i Shtetit.