Kurti: Arsenalit të ushtrisë sonë i kemi shtuar edhe dronë Bayraktar TB-2

“Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia”, ka bërë me dije, kryeministri i Kosovës, Albin Kurti, përmes një postimi në rrjetin social Facebook.

“Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë”, ka thënë kryeministri  i vendit.

Ai shtoi se Kosova tash është edhe më e sigurt përveçse gjithnjë krenare!

“Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka thënë kryeministri Kurti.  /2LONLINE/