(2L ONLINE) – Në Spitalin e Gjilanit është kryer një operacion I suksesshëm, te pacientja R.I. 1940 nga Kamenica. Pacientja kishte filluar me ankesat qysh para 3 muajve, ku menjëherë ka filluar procedura e diagnostifikimit, ku është vendos diagnoza. Ndërkohë kontrollohet edhe në Spitalin “Cistina” në Maqedoni, dhe është vërtetua diagnoza, pra pacientja vuan nga një sëmundje e rrallë. Dg: Tu cauda pankreatica, thënë në gjuhën tonë:Tumor e bishtit të pankreasit.
Dr.Selami Kurteshi zyrtar për informim në Spitalin e Përgjithshëm në Gjilan ka thënë se trajtimin operativ të pacientes e merr përsipër kirurgu Dr.Milaim Kosumi dhe pas përgatitjes së duhur, Ai vendosi për ndërhyrje kirurgjike. Operacioni kryhet me sukses, largohet masa tumoroze nga pankreasi, bëhet largimi I shpretkës dhe e një pjese të pankreasit. Gjendja e pacientes tani është e mirë po ashtu edhe familjarët janë shumë falënderues.
Dr.Milaim Kosumi falënderon edhe stafin e kirurgjisë dhe atë të anestezionit me Dr.Halil Bashën në pjesëmarrje në realizimin e këtij operacioni të madh.
“Përkrahje në këtë drejtim ka dhënë edhe Dr.Abdylatif Latifi-drejtor, që mundësoi pajisjen e sallës operative me një aparat modern “Ligashur” aparaturë e nevojshme për realizimin e një operacioni të tillë. Besojmë që edhe në të ardhmen do të kryhen intervenime të tjera të këtij niveli”, ka thënë Dr.Selami Kurteshi zyrtar i informimit: në Spitalin e Përgjithshëm në Gjilan. /2L ONLINE/