Kursi bazë për nënoficerë në këmbësori, fokus në përgatitjen për mision
Në Regjimentin e tretë të Këmbësorisë është realizuar Kursi Bazë për Nënoficerë (NOF), me synim ngritjen profesionale dhe përgatitjen e pjesëtarëve për një shërbim sa më efektiv në terren.
Ky trajnim ka për qëllim pajisjen e pjesëmarrësve me njohuritë dhe aftësitë themelore të nevojshme për angazhim në togjet e këmbësorisë, duke kontribuar njëkohësisht në zhvillimin e tyre profesional dhe operacional, në përputhje me kërkesat e detyrave dhe standardet përkatëse ushtarake.
Gjatë kursit, pjesëmarrësit kanë demonstruar aftësi të avancuara taktike dhe operative, si dhe disiplinë dhe bashkëpunim në grup. Po ashtu, është vlerësuar gatishmëria e tyre fizike dhe mendore për përmbushjen e misioneve në kushte të ndryshme në terren. /2LONLINE/