Kur një kapitull mbyllet me respekt – edukatorja nga “Bajram Curri” falënderon komunitetin

Pas 11 viteve pune e përkushtimi, edukatorja Valentina Kurtalani Jashari u shpreh me fjalë mirënjohjeje për Shkollën Fillore “Bajram Curri”.

Në mesazhin e saj, ajo falënderoi drejtorin Qemajl Ramadani, kolegët, stafin teknik, nxënësit dhe banorët e fshatit për respektin dhe mbështetjen e dhënë gjatë gjithë këtyre viteve.

“Së bashku edukuam 11 breza, fituam projekte e donacione dhe mbi të gjitha ndamë respekt e dashuri. Jam me fat që punova me ju. Mirupafshim dhe mirë u dëgjofshim!” – thotë ajo. Përndryshe edukatorja Valentina Kurtalani Jashari do të vazhdojë punën në një institucion tjetër shkollor.  /2LONLINE/