Kur ajo t’kërkon mësim e ndihmë!

Kur ajo t’kërkon mësim e ndihmë!

Kur ajo kërkon njohuri e mësim prej teje
Banu i mirë e jepja këto
Se për kta je i thirt
Mos u ban i paftyrë
Me ngacmu
Mendja saj mun me kan e lehtë
E bjen shpejtë preh e provokimeve tuja
Aman mos u ban kaq i ligë
Se ajo tu asht besu si çika jote
E ti kshyre si të tillë

Nji ditë kur nuk ndihet mirë
E ka nevojë për ndihmën tande
Banu i mirë e ndihmoje
Mos u ban përbindsh
E me ja hap plagët edhe ma shumë
Ajo boll asht e plagosun
Punën tande t’shenjtë bane ashtu siç je betu
Mos e vesh mantilin e bardhë nëse e ki nji zemer t’zezë e t’flliqur
Mos e vesh atë teshë të shenjtë
E mos u ban njollë e keqe e këtij drejtimi human, bishë

Problemin që e ka, ajo po vjen me shtjellu e me bisedu me ty?
A e din pse?
Se n’mendjen e saj ti je personi që ki me ja gjet zgjidhjen
Ajo nuk mendon qe pikërisht ti ki me shti problemeve edhe ma tepër
Nuk asht ashtu siç je ti, i pistë, shfrytëzues
Ajo beson hala në uniformën tande
Beson që ti je i mirë
E ti banu i tillë, ashtu siç të sheh ajo
Mos u ban egërsinë, me shfrytzu gjendjen e saj
Bane punën tande me nderë, ashtu siç je betu
Mos u ban pikërisht ti shkaktari që ajo ka me pas edhe ma shumë probleme
I neveritshëm.

Doruntinë F. Ferati

Ky artikull nuk pasqyron qëndrim editorial të redaksisë! Për më tepër, ju lutem lexoni kushtet e përdorimit.

KOMENTE