Kupa e Kosovës: Sot zhvillohen ndeshjet e dyta gjysmëfinale

Sot zhvillohen ndeshjet e dyta gjysmëfinale të Kupës së Kosovës në futboll, ku takohen: Dukagjini – Ballkani dhe Ferizaj – Llapi, skuadra këto që mëtojnë finalen e madhe.

Kur jemi te takimi Dukagjini – Ballkani, kujtojmë se skuadra nga Klina kishte fituar ndeshjen e parë me rezultat 3:0, andaj mund të thuhet se është një hap më afër finales, gjithsesi përball ka një Ballkan të fuqishëm, andaj asgjë nuk është e pamundur.

Ndeshja tjetër gjysmëfinale luhet mes Ferizajt dhe Llapit, e ku në ndeshje ne parë ferizajasit e fituan me rezultat 2:1, dhe mund të thuhet se kanë një përparësi të vogël, por edhe këtu loja është e hapur.

Se kush do të jenë dy finalistët e Kupës së Kosovës, që do të luftojnë për këtë trofe, do të mësohet pas përfundimit të këtyre dy ballafaqimeve që  nisin nga ora 15:00. /2LONLINE/