Kultura në Kamenicë është në një “vdekje klinike”

/2L ONLINE/ – Amir Jakupi, aktivist i shoqërisë civile dhe njohës i zhvillimeve të përgjithshme në Komunën e Kamenicës ka thënë për Portalin 2LONLINE, se sfera e kulturës s’ka qenë asnjëherë prioritet i kësaj qeverisjeje. Sipas tij, edhe përkundër kapaciteteve, entuziazmit të të rinjve dhe profesionistëve të fushës, jeta kulturore në Kamenicë është jashtëzakonisht e varfër, për të mos thënë e vdekur. Teatri nuk është funksional, kinemaja po ashtu, ka ndërprerje të aktiviteteve të disa grupeve dhe shoqërive kulturore-artistike, mungesë filmash, mungesë koncertesh si dhe aktivitetesh në përgjithësi…
“Siç ka degraduar çdo fushë në këtë komunë, edhe kultura nuk bënë përjashtim, kjo edhe për fajin e njerëzve që marrin paga për ta ngritë e avancua këtë sektor, e që në fakt nuk punojnë asgjë. Po të bëjmë një krahasim me periudhën e paraluftës, atëherë ka pasur shumë më tepër aktivitete e organizim se sa tash. Tani, kultura në Kamenicë është në një ‘vdekje klinike””, ka thënë Amir Jakupi, aktivist i shoqërisë civile dhe njohës i zhvillimeve të përgjithshme në Komunën e Kamenicës. /2L ONLINE/