Diplomati sllovak, Eduard Kukan thotë se Kosova është në një situatë të vështirë për shkak të mosarritjes së krijimit të institucioneve pas mbajtjes së zgjedhjeve.
“Kosova është në një situatë shumë të vështirë politike, një situatë të cilën vetë e ka krijuar. Të gjithë duhet të dëshmojnë që janë të interesuar për një agjendë evropiane”, thotë Kukan.
Eurodeputeti Kukan, thotë se nuk e di se çfarë do të ndodhë në këtë periudhë por ajo që dihet sipas tij, është fakti se “Kosova po humbë kohë”.