Rritje të shëndetshme dhe më pas jetë të gjatë e pa komplikime mundësohet vetëm me ushqimin e duhur në fëmijëri.
Fëmijët dhe të rriturit duhet të zgjedhin ushqimin sa më natyrat, me vitamina, të shëndetshëm dhe sa më larg ushqimeve të shpejta nga skara.[/dropcap]
Këto janë pesë ushqimet më të mira për trurin e fëmijëve.
Vezët
Truri i fëmijëve është në fazën e zhvillimit të shpejtë. Kolina është një vitaminë shumë e rëndësishme për zhvillimin e trurit sepse luan rol në krijimin e qelizave të kujtesës në thellësi të trurit. Përpos kësaj, vezët janë të pasura me proteina, hekur dhe vitaminë A, të cilat ndikojnë në rritjen dhe zhvillimin e qelizave.
Mish peshku me yndyrë
Mishi i peshkut me yndyrë është i pasur me omega-3, e cila është shumë e rëndësishme për zhvillimin dhe shëndetin e trurit. Acidet yndyrore janë përbërës thelbësorë për ndërtimin e strukturave për zhvillimin e qelizave.
Drithërat
Drithërat janë të pasura me karbohidrate, të cilat ofrojnë sasi të bollshme të glukozës dhe energjisë për t’i dhënë fuqi trurit. Ato gjithashtu kanë sasi të madhe të vitaminës B, e cila siguron sistem të shëndoshë nervor.
Bizelet
Bizelet janë të pasura me vitamina dhe minerale, prandaj janë ushqim shumë i mirë për fëmijët. Ato e lirojnë energjinë ngadalë, gjë që ndikon që fëmijët të mos ndihen të uritur gjatë tërë ditës dhe të jenë më të koncentruar.
Qumështi, jogurti dhe djathi
Qumështi, jogurti dhe djathi janë të pasur me proteina dhe vitaminë B, të cilat janë të rëndësishme për indet e trurit. Një përbërës tjerë i rëndësishëm i këtyre ushqimeve është edhe kalciumi, i cili ndikon për dhëmbë dhe eshtra të forte.
