Kujdes nga mashtruesit me para false

/2L ONLINE/ – Policia e Kosovës ka arritur që ta lokalizon dhe arreston një të dyshuar shqiptar, shtetas i Serbisë se në tri raste kishte këmbyer monedha që besohet të ishin të falsifikuara.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka rikujtua njërën nga rastet kur Policia e Kosovës ishte njoftuar nga një shitëse në një shitoren se një person i dyshuar kishte hyrë për të blerë pije dhe cigare në shitoren e tyre që gjendet në fshatin Gadish, Komuna Gjilan dhe për pagesë blerësi i kishte ofruar një monedhë në apoenë prej 50 €.

Pasi që i dyshuari e kishte pranuar kusurin prej 45,40 €, ai kishte dalë nga shitorja, ndërsa shitësja ka dyshuar se monedha e pranuar është fals dhe ka dalë nga shitorja duke ia marrë shënimet e automjetit Mercedes, ngjyrë hiri, me targa 05.

Rasti i ishte referuar Njësitit për Krime Ekonomike .

Përndryshe zëdhënësi Hashani, tha se Policia e Kosovës i apelon qytetarë të jenë të vëmendshëm, dhe gjithë monedhat ti kontrollojnë gjatë këmbimit të tyre, në mënyrë që mos të dëmtohen, dhe gjithmonë në këso raste të lajmërohet policia e Kosovës. /2L ONLINE/

fotoilustrim