Kryeziu përplaset me Krasniqin

Kuvendi i Kamenicës ka nisur seancën e sotme me debate të ashpra. Derisa po diskutohej për shprenzimet nëntëmujore, delegati i AKR-së, Satmifer Kryeziu, ka akuzuar kryesuesin e Kuvendit se po e shkelë rregulloren e punës po ia jep fjalën delegatëve nga 10 herë. “Ti po e bënë teatër Kuvendin”. Ndërsa Bajram Dërmaku i është drejtuar Kryeziut: N’tu nejtë rri, mos tu nejtë dil nga mbledhja.

Kryeziu gjithashtu kritikoi delegaten Besa Hoxha-Krasniqi se po përdorë shantazhe në Kuvend për të realizuar interesat personale, shkruan Kamenicapress (Fb).

Ndërsa Krasniqi i tha Kryeziut se është pikërisht familja e tij që po e keqpërdorë paranë publike. “Vajza e tij mbanë 13 orë në shkollë dhe paguhet për 20. Tregoni tash kush po e keqpërdorë buxhetin”, tha Krasniqi. Ajo kërkoi edhe nga kryetari i Komunës që të komunikojë me të vetëm zyrtarisht dhe ‘t’i harrojë batuat e çuditshme’.