Kryetarja Shabani uron zgjedhjen e Ardita Sinani në krye të PVD-së në Preshevë

/2L ONLINE/ – “Ne, Lëvizja Qytetare “ Vatra” urojmë zgjedhjen e Ardita Sinani për kryetare të degës së Partisë për Veprim Demokratik në Preshevë, e mirëpresim zgjedhjen e saj dhe e konsiderojmë si një hap të qëlluar të kësaj partie politike”, është shprehur Gentiana Shabani, kryetare e Lëvizjes ‘Vatra”.

Shabani u shpreh tutje se si parti me ideologji të njëjtë politike, ideologjinë e zgjidhjes se problemeve të banorëve të Kosovës Lindore andej e këndej kufirit e mirëpresim zgjedhjen e një zonje në krye të një subjekti politik sepse me këtë hap dëshmohet mjaft mirë se pozita e femrës në politikën e Kosovës Lindore është e duke u emancipuar dhe e garantuar edhe në përfaqësimin e lartë politik.

“ Jemi të bindur se fuqizim i pozitës së femrës në politikë dhe shoqëri do të sjell një frymë të re të punës dhe shtimin e kujdesit më të madh për ruajtjen e interesit te qytetarëve të Kosovës Lindore kudo që ato gjinden. I urojmë punë të mbarë”, ka thënë në fund Gentiana Shabani, kryetare e Lëvizjes Qytetare “Vatra”. /2L ONLINE/