Kryetarja e Durrësit jep dorëheqjen pas gafës në media

Kryetarja e Durrësit jep dorëheqjen pas gafës në media

Kryebashkiakja e Durrësit, Valbona Sako ka dhënë dorëheqjen këtë të dielë me një postim në rrjetin social.

Pas tërmetit të tmerrshëm në Durrës e Thumarë, kryetarja e Bashkisë së Durrësit, në një deklaratë për media kishte dhënë një koment të rënde:  ‘jemi të kënaqur me 51 viktima”, ishte deklaruar kryetarja.

Deklarata hasi në reagime të shumta, e vetëm disa orë më vonë, Valbona Sako ka deklaruar se ka dhënë dorëheqje nga pozita e kryetares së Bashkësisë së Durrësit.

“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falenderoj nga zemra të gjithë ata që më besuan dhe shpresoj në mirëkuptimin e të gjithëve, ka shkruar ajo.

Kujtojmë se dje, kryetarja Sako në një intervistë të dhënë për “Top Channel”,  Valbona Sako mes tjerash tha se: “Për hir të së vërtetës duhet ta themi që ky ishte një tërmet i nivelit shkatërrimtar, por që jemi të kënaqur me 50 viktima, sepse në rastet e tjera kanë qenë mbi 1000 viktima”, kishte thene Sako.

KOMENTE