Kryetari Sinani: Rexhep Mala, udhërrefyes për gjeneratat e reja

/2L ONLINE/ – Fillon faza përgatitore për objektin muze të dëshmorit “Rexhep Mala”në fshatin e lindjes në Hogosht. Kryetari i Kamenicës Begzad Sinani, me bashkëpunëtorët, ka marrë pjesë në përurimin e fazës përgatitore të punimeve në ndërtimin e shtëpisë muze të Dëshmorit të Kombit Rexhep Mala në fshatin Hogosht.

“Kjo është një ditë e veçantë për Hogoshtin, Kamenicën dhe për tërë Kosovën,fillimi i fazës së punëve përgatitore për këtë objekt është vlerësim dhe mirënjohje për veprën e lavdishme të Dëshmorit Rexhep Mala. Gjeneratat e reja do të vijnë në këtë vend të mësojnë për veprën e madhe të patriotit shqiptar dhe ky do të jetë një frymëzim për ta për të punuar në forcimin dhe avancimin e shtetit të Kosovës, e që ishte synim kryesor edhe i Dëshmorit Rexhep Mala, bashkëpunëtorit të tij të ngushtë Nuhi Berisha dhe gjithë dëshmorëve të kombit” tha kryetari Begzad Sinani.

Komuna e Kamenicës do ta mbështes financiarisht ndërtimin e shtëpisë Muze të Rexhep Malës me një shumë prej 12.000 eurosh. /2L ONLINE/