Kryetari Sinani pjesë e një panairi në Turqi

/2L ONLINE/ – Kryetari i komunës së Kamenicës, Begzad Sinani, po merr pjesë në Panairin e Planifikimit Urbanistik dhe të Teknologjisë së Qyteteve që po zhvillohet në Antalya të Turqisë.

Ky panair është organizuar nga Asociacioni i Komunave të Kosovës dhe Konsullata e Përgjithshme e Republikës së Kosovës në Stamboll. Panairi në të cilin po merr pjesë edhe kryetari Sinani mbahet nga data 1 prill deri më 3 prill 2015.

Ashtu si në panaire të tjera të këtij lloji, komuna e Kamenicës e përfaqësuar nga kryetari Sinani, do të adresojë sfidat e e kësaj komune në planifikimin urbanistik dhe teknologji si dhe do të shkëmbehen përvojat me pjesëmarrësit në këtë panair. /2L ONLINE/