Kryetari Sinani interesohet për fermerë të komunës së Kamenicës
(2L ONLINE) – Kryetari i Komunës së Kamenicës Begzad Sinani, gjatë fundjavës ka vizituar disa fermerë të komunës, ku është njohur më për së afërmi më veprimtarinë e tyre.
Sinani ka vizituar, fermerin Ibrahim Kosumi nga Tygjevci, pastaj fermerin Rexhep Cakolli, Hazir Mustafa, Milaim Demolli, ndërsa ai ka vizituar disa fermerë edhe në fshatrat Karaqevë e Epërme, Karaqevë e Poshtme dhe Novosellë.
Kryetari Sinani ka falënderuar të gjithë fermerët që me kontributin e tyre në këtë sektor, po bëjnë që komuna e Kamenicës, të njohë suksese edhe në këtë fushë.
Duke iu premtuar bashkëpunim dhe përkrahje të vazhdueshme, kryetari Sinani u njoh me nevojat dhe kërkesat e fermerëve.
“Fermerët falënderuan kryetarin që në çdo kohë është pranë tyre si dhe u shprehën të kënaqur me angazhimin e drejtpërdrejtë të kryetarit me njohjen e kërkesave të tyre”, thuhet në njoftimin e zyrës për informim të komunës së Kamenicës. /2L ONLINE/