Kryetari Sinani inspekton punimet në rrugët e Kamenicës

/2L ONLINE/ – Kryetari i Komunës së kamenicës Begzad Sinani së bashku me nënkryetarin Fatmir Matoshi, sot kanë vizituar punimet në riasfaltimin dhe mbushjen e gropave në rrugët regjionale të Kamenicës.

Aktualisht po bëhet riasfaltimi i rrugës nga Hodonoci deri në Domoroc ndërsa do të vazhdoj në rrugën Roganë – Karaqevë dhe Roganë – Hogosht. Pas këtyre rrugëve do të bëhet mbushja e gropave për Tugjec, Strezoc dhe Busavatë.

Kryetari Sinani me këtë rast tha se është një e arritur e madhe që tashmë Komuna e Kamenicës është regjion në vete dhe asnjëherë më parë nuk ka pasur investime kaq të mëdha në mirëmbajtjen e rrugëve/ “Ne do të jemi gjithnjë pranë qytetarëve dhe kompanisë për të lehtësuar punët që po kryhen” tha kryetari Sinani.

Punët në riasfaltimin dhe mbushjen e gropave po i udhëheq kompania ” Jaha Company” nga Podujeva. /2L ONLINE/