Kryetari i Komunës së Kamenicës, Kadri Rahimaj së bashku me ekipin e tij kanë vizituar gjimnazin “Ismail Qemali”, në Kamenicë, ku po vazhdojnë punimet në rinovimin e brendshëm të tij.
Vlera e kontratës së nënshkruar për rinovimin e këtij objekti kap shifrën e 354,000 eurosh dhe do t’i jap një pamje të re gjimnazit.
Rinovimi në fjalë do të përfshijë kabinete moderne të të gjitha fushave, klasa të hapura dhe bashkëkohore, byfe dhe kënd për rekreacion si dhe zyra e ambiente moderne.
Investimi në fjalë po bëhet nga Ministria për Arsim, Shkencë, Teknologji dhe Inovacion, si dhe si investim vie menjëherë pas transformimit të plotë si rrjedhojë e rinovimit të jashtëm që është bërë në gjimnazin “Ismail Qemali”. /2LONLINE/
